Ish-drejtoresha e Spitalit të Dibrës, Irini Shehu është arrestuar në flagrancë, pasi dyshohet se ka përndjekur shtetasin Rruzhdi Deda.
Ajo do të hetohet për veprën penale “Përndjekja”.
Raportohet se ajo përndiqte drejtorin aktual të këtij spitali, Rruzhdi Deda, i cili e pasoi atë në detyrë pasi u shkarkua pas një akti të dhunshëm që ajo kreu ndaj financierit të kësaj qendre spitalore.
Kjo ngjarja e fundit ndodhi në Shkurt të këtij viti, kur ajo goditi me send të fortë financierin dhe u procedua penalisht në gjendje të lirë për plagosje të lehtë me dashje.
Pas rrahjes së shefit të financës Shaban Uklala, gjykata kishte vendosur që ish-drejtoresha të mos i afrohej institucionit më shumë se 300 metra. Përgjatë kësaj kohe ajo ka qenë nën mbikqyrje policore.
Njoftimi i Policisë:
Dibër
Specialistët për Hetimin e Krimeve të Komisariatit të Policisë Dibër, arrestuan në flagrancë shtetasen I.Sh., 44 vjeçe, banuese në Peshkopi, pasi dyshohet se ka përndjekur shtetasin R.D.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprën penale “Përndjekja”.
