Prokuroria e Posaçme kundër Krimit të Organizuar dhe Korrupsionit ka dhënë pretencën për ish-kreun e Gjykatës Kushtetuese Bashkim Dedja, i akuzuar për fshehje dhe mos deklarim pasurie.
Sipas informacioneve, SPAK ka kërkuar 1 vit burg për ish-gjyqtarin e lartë.
Por në zbatim të nenit 59 kërkohet pezullimi i ekzekutimit dhe dënimi përfundimtar me 2 vite shërbim prove.
Dedja akuzohet se ka fshehur dhe nuk ka deklaruar një apartament me sipërfaqe 60 m2 në bregdetin e Kavajës.
SPAK bëri me dije se pasuria ishte regjistruar në emër të vëllait të Dedës por në të vërtetë zotërohej dhe përdorej prej ish-gjyqtarit.
