Ka dalë sot para gjykatës për t’u njohur me masën e sigurisë, ish-drejtori i Hipotekës Gjirokastër, Florion Taçi.
Mësohet se Gjykata e Shkallës së Parë të Juridiksionit të Përgjithshëm Gjirokastër ka dhënë masën “arrest me burg” ndaj tij.
Ka qenë një operacion i përbashkët i Policisë së Tiranës, asaj të Gjirokastrës, Prokurorisë dhe Gjykatës së Faktit Gjirokastër që kanë finalizuar aksionin për arrestimin e Taçit dhe ish-bashkëpunëtorit të tij në Kadastrën e Gjirokastrës Alban Memishaj.
Ata akuzohen për falsifikim dokumentesh të disa pronave duke përdorur vulën e një subjekti të pa licensuar nga organet kompetente.
Policia ka ushtruar kontrolle edhe në zyrën e Taçit në Gjirokastër ku ka sekuestruar dokumente të shumta që i shfrytëzonte Taçi që kishin të bënin me të gjithë databazën e Kadastrës së Gjirokastrës çka është shkelje e paprecedent. Njëkohësisht Taçi kishte akses në këtë databazë online.
