Presidenti ukrainas, Volodimir Zelensky ka shkarkuar nga detyra Shefin e Shërbimit të Sigurisë së Ukrainës dhe Prokurorin e Përgjithshëm pasi janë akuzuar nga vartësit e tyre për tradhti dhe bashkëpunim me Rusinë.
Në fjalimin e tij të natës me video, Zelensky u shpreh se: “ Një grup i tillë krimesh kundër themeleve të sigurisë kombëtare të shtetit, shtrojnë pyetje shumë serioze për krerët përkatës të dy organizatave”.
Presidenti Ukrainas shtoi se secila nga këto pyetje do të marrë përgjigjen e duhur.
Dy zyrtarët e shkarkuar janë janë Iryna Venediktova – Prokurorja e Përgjithshme – dhe Ivan Bakanov – kreu i SBU-së së fuqishme ose Shërbimit të Sigurimit Shtetëror, dhe një mik fëmijërie i Zelenskyt.
Ndër të tjera presidenti ukrainas tha se më shumë se 60 ish-punonjës po punonin kundër Ukrainës në zonat e pushtuara nga Rusia dhe se deri sot janë regjistruar 651 procedime penale për tradhti dhe veprimtari bashkëpunuese të punonjësve të prokurorive, organeve të hetimit paraprak dhe organeve të tjera ligjzbatuese./Opinion.al
