Tre persona janë arrestuar nga policia e Sarandës dhe Vlorës, pasi akuzohen opër vepra të ndryshme penale.
Mësohet se mbi tre të arrestuarit rëndojnë akuzat për prodhim dhe shitje të lëndës narkotike, largimi i të burgosurit nga vendi i qëndrimit, armëmbajtje pa leje dhe plagosje të lehtë me dashje.
Sipas njoftimit të policisë, të arrestuarit janë të moshës, 48 deri në 19 vjeç.
Njoftimi i policisë së Vlorës:
Policia ka arrestuar në flagrancë shtetasin S.M., 48 vjeç, banues në Vlorë.
Arrestimi i tij u bë në lagjen “Pavarësia” Vlorë pasi gjatë kontrollit të automjetit me të cilin ky shtetas udhëtonte u gjet një sasi lënde narkotike e dyshuar si heroinë me peshë 2.3 gramë.
Materialet iu referuan Prokurorisë për veprën penale “Prodhimi dhe shitja e narkotikëve”.
Policia ka arrestuar në flagrancë shtetasin V.B., 44 vjeç, banues në fshatin Dukat, Vlorë.
Arrestimi i tij u bë pasi ky shtetas ishte larguar nga vendi i qëndrimit të detyrueshëm pasi ka qenë me masë sigurie “Arrest në shtëpi” për veprën penale “Drejtimi i automjetit në mënyrë të parregullt”.
Materialet iu referuan Prokurorisë për veprën penale “Largimi i të burgosurit nga vendi i qëndrimit”.
Sarandë, Policia ka bërë ndalimin e shtetasit O.K., 19 vjeç, banues në Gjirokastër.
Ndalimi i tij u bë pasi Prokuroria pranë Gjykatës së Shkallës së Parë Sarandë ka lëshuar urdhërin e ndalimit të tij si i dyshuar për veprat penale “Prodhim dhe shitje narkotikësh”, “Mbajtja pa leje e armëve të ftohta” dhe “Plagosja e lehtë me dashje”./ Opinion.al E.Xh.
