Prokuroria e Posaçme kundër Krimit të Organizuar dhe Korrupsionit (SPAK), ka kërkuar informacione për tendera të tjerë të zhvilluar gjatë viteve të fundit në Televizionin Shqiptar në kuadër të hetimit për ish-drejtorin e TVSH, Thoma Gëllçi.
Në seancën për raportimin 2 mujor, SPAK nuk ka dhënë informacion nëse janë zbuluar fakte që përfshijnë ish-drejtorin e TVSH në vepra penale.
Sipas gazetares Klodiana Lala seanca ndaj Gëllçit është shtyrë për të martën (datë 14 dhjetor 2021), ku do të paraqitet dhe mbrojtja.
Avokati Dorjan Matlija thotë se zgjerimi i hetimeve është tregues kryesor që hetimi për tenderin e parë ka dështuar.
Ish-drejtori i RTSH, Thoma Gëllçi është nën hetim për shpërdorim detyre, për një tender të dhënë në kohën që ai ka drejtuar këtë institucion./Opinion.al
