Në një deklaratë për media nënkryetari i LSI, Luan Rama, i është përgjigjur akuzave të kryeministrit Rama lidhur me deklaratën e tij se LSI po mban peng hipotekat.
Keto deklarata Rama i beri sot ne nje takim me qytetaret e Vores.
“Në rolin e mashtruesit kryetari i Rilindjes u shfaq prapë sot në Vorë jam i detyruar të evidentoj se ku qëndron spekulimi i kryetarit të Rilindjes. Me shumë hipokrizi kryetari i Rilindjes tha sot që në gjithë bashkinë e Vorës janë 3 mijë familje që nuk kanë marrë dot hipotekat e tyre, duke thënë që kjo është çështje e tepsisë. Hipotekën në qarkun e Tiranës dhe në 80% të qarqeve e kanë njerëzit e Rilindjes të emëruar prej tij. Unë i ftoj të 3 mijë familjet që të paraqiten nesër pranë Hipotekës së Tiranës për të marrë aktet e pronësisë meqenëse tani e ka zotëria në fjalë të gjithë pjesën e tepsisë dhe përgjegjësi i zyrës së regjistrimit të pasurive në Tiranë të bëjë gati 3 mijë aktet e pronësisë dhe t’ju a japë nesër qyterarëve të Vorës për të dëshmuar që këta e bëjnë sot”, tha Luan Rama.
Më tej nënkryetari i LSI-së u shpreh se ‘gjuri i këputur i rilindjes”, kishte folur për koalicion dhe se ky i fundit vetëm votat i kishte dhënë pasi punët i ka bërë rilindja.
“Ai tha që LSI gjatë bashkëqeverisjes ka ndihmuar vetëm me votat për reformat dhe nuk ka bërë asgjë tjetër. Më lejoni t’ju kujtoj reformën në drejtësi. Kryetari i Rilindjes ka të drejtë kur thotë që ne nuk e lejuam ta bënte siç e kishte konceptuat ai që reforma në drejtësi të shërbente që pushteti i drejtësisë të bëhej aneksi i Rilindjes. Gjithë shqiptarët e dinë që reforma në drejtësi u bë dhe u miratua me 140 vota në parlament falë kontributit të LSI”, deklaroi Luan Rama.
