Partia Demokratike i ka kërkuar Prokurorisë të dhëna në lidhje për proceduart e verifikimt të Valdrin Pjetrit.
Një ditë më parë PD publikoi dokumente të cilat, sipas saj, provonin se Pjetri ka qenë i dënuar në Itali për “shpërndarje, prodhim dhe trafikim i lëndëve narkotike dhe lëndëve të tjera të paligjshme psikotrope”, të kryer në bashkëpunim.”
Në letrën e dërguar nga Sekretari i Përgjithshëm, Gazment Bardhi, ndaj Prokurorisë, vihet në dukje dhe vonesa e kësaj të fundit për të dhënë informacion zyrtar në lidhje me çështjen e Pjetrit.
“Për fat të keq, ky reagim nuk ka ardhur ende, duke zhbërë qëllimin primar që ka ligji i dekriminalizimit. Sipas këtyre të dhënave rezulton se Valdrin Pjetri është i dënuar nga Gjykata e Firences, me vendimin e formës së prerë të datës 12 Qershor 2003, me 18 muaj burg dhe 1000 Euro gjobë, për veprën penale “shpërndarje, prodhim dhe trafikim i lëndëve narkotike dhe lëndëve të tjera të paligjshme psikotrope”, të kryer në bashkëpunim.”- shkruan zoti Bardhi.
Bardhi ka paralajmëruar Prokurorinë duke u shprehur se; Çdo vonesë e pajustifikuar për rezultatin e këtij verifikimi është rreshtim në anën e krimit të organizuar dhe promovimit të tij në funksione të larta publike.”/ Opinion.al E.Xh.
