Kryebashkiaku u Mallakastrës, Qerim Ismailaj, nis betejën me drejtësinë pas akuzave të Partisë Demokratike se ka fshehur në formularin e Dekriminalizimit dënimin me 3 vite burg në Greqi për plagosje.
Lidhur me këto akuza, Prokuroria e Përgjithshme i ka dërguar një kërkesë zyrtare Komisionit Qendror të Zgjedhjeve, ku kërkon informacion për krybashkiakun e Mallakastrës.
Në kërkesën e bërë nga organi i akuzës, e cila mban firmën e kryeprokurorit Olsian Çela, i kërkohet KQZ formulari i vetëdeklarimit të kryebashkiakut Ismailaj.
“Na vini në dispozicion formularin e vetëdfeklarimit të Qerim Ismailaj. Kërkojmë përcjelljen sa më parë të këtij formulari”, thuhet ndër të tjera në kërkesën që Prokuroria i drejton KQZ.
Kërkesa e Prokurorisë së Përgjithshme është në funksion të hetimit nga Organi i Akuzës për kryebashkiakun, pas denoncimit të PD./ Opinion.al
