Akuzat, ja pse At Nikolla Marku, rri larg vathës së Janullatosit

Midis tyre nuk ka pasur kurrë idil. KryeFamulltari i Kishës së “Shën Mërisë” në Elbasan, At Nikolla Marku e ka deklaruar publikisht se ruan një vlerësim të posaçëm për diturinë e Janullatosit si teolog, por nuk mundet ta përtypë punën e tij si kryepeshkop në krye të Kishës Autoqefale të Shqipërisë. Ndaj edhe At Nikolla Marku vendosi që në krye të herës të mos i bashkohet grigjës së besnikë të Janullatosit, duke vendosur të marrë flamurin e kauzës që ai e quan “Mbrojtja e vlerave të besimit ortodoks shqiptar të përçudnuar nga Janullatos”. Ndaj edhe kohë pas kohe At Nikolla Marku dhe Janullatos kanë qenë në një luftë të hapur me njëri-tjetrin. Ku pas shumë replikave në distancë, së fundmi At Nikolla Marku, vendosi ti drejtohet drejtësisë me akuza konkrete për Janullatosin. Pikërisht 12 akuza të cilat nuk ishin të reja, për aq sa njohim diskursin midis At Nikolla Markut dhe Janullatosit. Akuza e parë ishte ajo për ndryshimet në statusin e Kishës Ortodokse, të cilat cilësohen nga famulltari i Elbasanit, pa bazë ligjore dhe teologjike. Akuza e radhës është shkelje e statutit kishtar në favor të shovinizmit grek duke bërë propagandë të fshehur dhe të hapur për Vorio Epir. Tjetra është liturgjia meshtare në gjuhën greke. Ndërtimet dhe restaurimet e kishave në stilin grek, të cilat At Nikolla Marku i ka denoncuar i pari. Akuza e radhës nga At Nikolla Marku është bashkëpunim i ngushtë që sipas tij Janullatosi ka pasur kohë pas kohe me qeveri të ashtuquajtura të Vorio Epirit. Një akuzë e rëndë është ajo e bashkëpunimit të ngushtë, po sipas At Nikolla Markut të Janullatosit me partinë Ultra Naziste Greke të Agimi i Artë. Para të dyshimta dhe pastrim parash në ndërtimin e gjoja kishave si edhe mungesë transparence për origjinën e financimeve të institucionit kishtar. Dhe pa harruar ndër akuza përfshirjen e drejtpërdrejtë në glorifikim të viktimave të ushtrise greke gjatë luftës italo – greke. Të cilat At Nikolla Marku i njeh si ushtri pushtuese sepse kaluan territorin e Shqipërisë deri tek kufiri imagjinar Vorio Epir. Dy akuzat e fundit të artikuluara nga At Nikolla Marku kundrejt Janullatosit  janë “shkelje të sovranitetit territorial dhe manipulim dhe deformim të traditës historike shqiptare në lidhje me Kishën Ortodokse Shqiptare si edhe Lobing kundër imazhit të vërtetë të Republikës së Shqipërisë dhe Historisë Kombëtare dhe Fetare, në bashkëpunim me Partinë Bashkimi Të Drejtave Të Njeriut, Shoqatën Omonia si dhe lobin grek