Pas akuzave të Partisë Demokratike, Valdrin Pjetri ka depozituar gjurmët e gishtrinjëve në laboratorin shkencor pranë Ministrisë së Brendshme.
Pjetrit i ishte bërë kërkesa që më datën 9 gusht nga Drejtoria e Dekriminalizimit në mënyrë që të bëjë një verifikim të plotë ndaj figurës tij.
Drejtoria e Dekriminalizimit u vu në lëvizje për rastin e Pjetri pas një kërkesë-padie që Partia Demokratike depozitoi pranë organit qendror të akuzës.
Përfaqësuesit e PD depozituan gjithashtu edhe një vendim të prokurorisë italiane ku vërtetohej se i zgjedhur i 30 qershorit për Shkodrën, disa vite më parë ishte i dënuar për trafik të lëndëve narkotike .
Pak ditë më parë Valdrin Pjetri dha dorëheqjen nga marrja e postit të kryetarit të bashkisë së Shkodrës, duke mos pranuar akuzat e opozitës./ Opinion.al E.Xh.
