Sekretari i Përgjithshëm i PD, Gazment Bardhi ka reaguar pas akuzave të bëra nga ish-kryeministri Sali Berisha gjatë takimit që pati me demokratët në Patos.
Nëpërmjet një postimi në rrjetet sociale, Bardhi shprehet se Berisha po sulmon demokratët, duke thënë se ato mbeten mashtrime të një politikani me karrierë të mbaruar.
Bardhi paralajmëron Berishën dhe për të vërtetën që do të dal sipas Bardhit lidhur me ndërtimet në zonën e “5 majit”.
REAGIM I SEKRETARIT TË PËRGJITHSHËM TË PD, GAZMENT BARDHI
Sulmet e Sali Berishës kundër demokratëve janë të padenja, por fatmirësisht, të padëmshme. Ato mbeten mashtrime të një politikani me karrierë të mbaruar dhe të mbyllur me turp! Agron Kapllanaj është një nga demokratët më të votuar dhe më të respektuar në zonën e Fierit.
Agron Kapllanaj ka zgjedhur PD dhe demokratët, prandaj sulmohet paturpësisht nga Sali Berisha. Asnjë mashtrim i Sali Berishës nuk e ndryshon dot faktin se demorkatët kanë zgjedhur të ardhmen, jo hallin e tij personal. Demokratët po e braktisin dita ditës.
Se me kë po i ndërton pallatet Edi Rama dhe Erion Veliaj tek 5 Maji, Sali Berisha duhet të pyesë familjarët e tij. Kush është miku trafikant droge në Spanjë që në kundërshtim me ligjin ka fituar tenderin e rindërtimit nga Erjon Veliaj? Pse e fsheh Sali Berisha me mashtrime?
E vërteta që do të dal shumë shpejtë është aq e dukshme, sa shpifjet e Sali Berishës nuk e mbulojnë dot.
