Pas daljes nga seanca plenare Kryeministri Edi Rama iu përgjigj interesit të mediave lidhur me zhvillimet në kuvend.
I qetë, pa replikat e zakonshme me gazetarët Rama është treguar i përmbajtur në çdo përgjigje. I pyetur lidhur me akuzat e hedhura ndaj tij nga kreu i opozitës Rama tha se çfarë po ndodh në PD është një traumë.
“Duhet të kemi durim, duhet të kemi respekt për traumat e të tjerëve”, u shpreh Kryeministri.
Ndërkohë lidhur me gjestin e mbledhjes së letrave të grisura në kuvend, ai tha: “Ishte thjesht një gjest krejt instiktiv në kushtet kur jemi duke punuar prej 2 muajsh me programin për heqjen e qeseve plastike për përdorim individual”.
