Kryetari i bashkisë, Vangjush Dako, hapi mitingun e Partisë Socialiste në Durrës.
Dako nuk do të rikandidojë për një tjetër mandat, pasi PS-ja ka zgjedhur si kandidate Valbona Sakon.
Kryetari i bashkisë së Durrësit foli dhe në lidhje me akuzat dhe përgjimet e publikuara pak ditë më parë.
Ai tha se akuzat për blerje votash, por sipas tij, e vërteta është se qytetarët e Durrësit kanë votuar masivisht PS.
Dako theksoi se akuzat e ngritura ndaj tij bëhen për të hedhur baltë ndaj punës së bërë në Durrës.
“Gjatë 12 viteve cdo banor e ka prekur investimin që është bërë nga bashkia. Jemi të sigurt që cdo qytetar është i kënaqur dhe i është rritur cilësia e jetës. në 12 vite jemi akuzuar për betonizim, prishje të historisë dhe blerje të votave. Unë dua t’u them të gjithëve se gjatë këtij mandati janë dhënë vetëm 17 leje ndërtimi. Na akuzojnë për blerje votash, ju jeni dëshmitar që cdo qyetar ka votuar PS-në nga viti në vit dhe kjo nuk ka ardhur rastësisht, por nga mirësjedhja jonë, nga mosndarja që u kemi bërë qytetarëve dhe nga puna jonë e përditshme. Por e vërteta është që ata nuk e pranojnë dot që Durrësi nga bastion i PD-së është kthyer në bastion të PS-së. Ata nuk e përtypin dot humbjen prandaj hedhin baltë, nuk e pranojnë tradhtinë që u kanë bërë demokratëve të këtij qyteti. Unë jam i sigurt që puna për turizmin do të vijojë edhe në katër vitet e ardhshme. Valbona Sako do te vijoje punet tona” tha Dako./ Opinion.al E.Xh.
