Miley Cyrus nuk humbi kohë pas ndarjes me Liam Hemsworth, duke nisur menjëherë romancën me Kaitlynn Carter, ndërkohë që partneri i saj i uronte shëndet dhe lumturi.
Por cila është arsyeja e ndarjes së çiftit të njohur?
Burime pranë Mileyt kanë thënë për TMZ se ajo u përpoq për të shpëtuar martesën, por nuk mund të pranonte faktin që Liam pinte shumë dhe përdorte ilaçe.
Megjithatë burimet nga ana e Liamit i quajnë të pavërteta këto deklarata dhe thonë se ishte xhelozia e sëmurë dhe tradhtia e Mileyt ajo që çoi në ndarje.
Miqtë e aktorit australian thonë se ylli i hitit “Wrecking Ball” po përdor akuzat e drogës dhe alkoolit për t’u shkëputur nga shkaku i vërtetë i ndarjes së tyre që është tradhtia.
“Liam ka pritur për vite me radhë që Miley të rritet. Ajo ende dëshiron të ketë njerëz të argëtohet dhe të krijojë bujë. Kjo është një përpjekje tjetër e saj për t’u shkëputur nga pabesia e saj dhe sjellja e saj e egër publike e fundit”, tha burimi për TMZ.
Nuk dihet se cili version është i sakti, megjithatë ndarja e tyre ka marrë të gjithë vëmendjen e medias kohëve të fundit./Opinion.al
