Ministri i Turizmit dhe Mjedisit, Blendi Klosi, i është përgjigjur në distancë kryebashkiakut të Tiranës, Erion Veliaj, në lidhje me akuzat për korrupsion me lejet mjedisore.
“Për një Shvejk në një zyrë që nuk do t’i ikin këto letra dhe korrupsioni që merr me lejet mjedisore, të gjithë kryetarët e bashkive duhet të marrin ministrin, edhe për një lokal që bën zhurmë, se nuk ka gjasë në botë, siç nuk jam bindur unë, të bindësh një qytetar që Bashkia nuk e ka këtë kompetencë”, u shpreh Veliaj një ditë më parë.
I pyetur se kush është “Shvjeku” që bllokon punën e përditshme të bashkisë, Klosi tha se nuk e ka për zakon të shaje kolegët, pavarësisht debateve që mund të ekzistojnë edhe brenda Partisë Socialiste.
“Ushtari i mirë Shvejk ndodhet kudo në Shqipëri”, tha ai. “Sa për lejet mjedisore të tipit C, që kërkoi Veliaj t’i marrë në kompetencë, Ministria po sheh mundësinë për t’i hequr si hallkë. Është barrë e shtuar për 5500 biznese”. /Opinion.al
