Një 34-vjeçar është arrestuar nga policia e Lezhës, pasi ishte shpallur në kërkim për akuzën “Shkelja e rregullave të qarkullimit rrugor”.
Policia njofton se në pranga ka rënë Bledar Lushi (Bardhi), banues në Mirditë, i cili ishte shpallur në kërkim që nga muaji maj i këtij viti. Për 34-vjeçarin Gjykata e Apelit Shkodër ka dhënë dënimin me 1 vit burg.
Njoftimi i policisë
Kurbin, Lezhë
Vijon puna për kapjen e personave në kërkim dhe vënien e tyre përpara përgjegjësisë ligjore.
Një tjetër i kërkuar bie në prangat e Policisë.
Kapet nga shërbimet e Policisë Rrugore një person, i shpallur në kërkim për veprën penale “Shkelja e rregullave të qarkullimit rrugor”.
Në zbatim të planit të masave për kapjen e personave në kërkim, mbi bazën e informacioneve të marra në rrugë operative se një shtetas në kërkim po lëvizte me mjet në Laç, Policia Rrugore e Lezhës ka mirëorganizuar punën duke bërë të mundur,në afërsi të një karburanti, bllokimin e mjetit tip “Volksëagen”, si dhe të drejtuesit të mjetit, shtetasin:
Bledar Lushi (Bardhi), 34 vjeç, banues në Mirditë.
Ky shtetas ishte i shpallur në kërkim në maj të vitit 2019, pasi Gjykata e Apelit Shkodër e ka dënuar 1 vit burg për veprën penale “Shkelja e rregullave të qarkullimit rrugor”.
Materialet procedurale u referuan Prokurorisë së Rrethit Gjyqësor Lezhë, për veprime të mëtejshme./ Opinion.al
