Kryetari i Partisë Demokratike Sali Berisha ishte sot në ambientet e SPAK. Ai është pritur nga mbështetës të tij, ku nuk munguan ovacionet.
Në një prononcim para Prokurorisë së Posaçme, kryedemokrati hodhi sërish akuza në drejtim të kryetares së GJKKO Irena Gjoka.
Sipas tij, kryetarja e GJKKO Irena Gjoka është dënuar në shtetin grek dhe ka mashtruar shtetin shqiptar.
“Kreu i Gjykatës Speciale, pseudogjykatësja me 5 mbiemra është një mashtruese ordinere dhe delinkuente, e paturp, e pacipë, subjekt i ligjit. Në formularët e saj që i ka dorëzuar motrës së Belinda lubiballukut se nuk ka marrë ndonjëherë dënim në ndonjë vend. Shqiptarët duhet të mësojnë se kjo delinkuente duke u paraqitur edhe si bashkëshortja e Stefan Gjokës, në fakt certifikatën e martesës e ka nja 3 vjet mbrapa. Autorizon të drejtë përfaqësim Andon Ikonomi, avokat me siguri, të paraqesë çdo lloj prove dhe të marrë nën dorëzim çdo akt për heqjen e masës së dhënë. Mashtrim me certifikatë, ajo të thoshte e dashura ose bashkëjetuesja. Këtu thotë bashkëshortja, me banim në Patra. Ajo është dënuar nga shteti grek dhe ka mashtruar shtetin shqiptar, se publikisht e ka mohuar se kurrë s’ka pasur gjëra të tilla. Ndërkohë ka paguar prokurë për të hequr këto masa. Nuk mund të ketë mashtrim më ordiner se këtu ka një formular të cilin ia mbyll lubia”, deklaroi Berisha.
