PD ka akuzuar policinë e Shtetit se ka fshehur faktin se se mbrëmë në mesnatë është vendosur tritol në banesën e nënkryetarit të Bashkisë së Kamzës, Vendim Demaj, duke shtuar se nëse do të vijohet edhe më tej duke fshehur ngjarje të tilla, të gjithë qytetarët e Kamzës do të identifikojnë tek Policia e Shtetit bashkëpërgjegjësin kryesor, që në aleancë me krimin e organizuar, po rrezikon përditë sigurinë e tyre.
Në lidhje me këto akuza policia e shtetit në një njoftim për mediat shkruan se ngjarja ka ndodhur në katin e tretë të një pallati. Sipas policisë tritoli është vënë tek dera e banesës së marrë me qera nga shtetasi P.Gj., duke hedhur poshtë kështu pretendimin e PD-së se lënda plasëse është vendosur në apartamentin e nënkryetarit të bashkisë.
Sipas policisë, në banesën e këtij të fundit ka shpërthyer një sasi e vogël lënde e dyshuar plasëse, dhe si pasojë ka vetëm dëme materiale./Opinion.al
