Autoriteti i Kontrollit të Ushqimit bllokon lokalin në Shijak ku u helmuan 12 dasmorë.
Ngjarja ndodhi më 13 gusht, por lajmi u mësua sot.
Mësohet se AKU ka marrë mostrat e produkteve dhe i kanë çuar në laborator.
Lokali do të qëndrojë i bllokuar derisa të dalin analizat toksike përgjigjet e të cilave dalin pas disa ditësh
Ngjarja ka ndodhur në Shijak katër ditë më parë, ndërsa 12 persona janë paraqitur në Urgjencën e Spitalit të Durrësit me shenja helmimi.
“Darka shkoi për mrekulli. Pastërti në maksimum në lokal, vetëm ditën tjetër patëm shqetësim” thotë një dasmor.
Ndërsa një dasmor tjetër thotë: Shkuam në dasmë, hëngrëm u kënaqëm dhe më pas ditën tjetër s’u djemë mirë”
Ndërkohë shefja e repartit infektiv të spitalit të Durrësit, Nadire Jani, deklaroi: Pacienti i parë që ka ardhur ishte një person që u paraqit në orët e para të së martës. Ai kishte simptomat: bark, të vjedhja, temperaturë të lartë. Pas këtij rasti, dy orë më vonë në spital janë paraqitur dy të tjerë, një çift burrë e grua. Dhe ato kishin qenë tek e njëjta dasëm. Po të martën pasdite kanë ardhur dhe 9 të tjerë. Deri në orën 12:00 të natës kemi pasur prurje. Të gjithë kanë qenë me këto shenja
Ndërkohë policia informoi: Më datë 13.08.2017, në Shijak, në një lokal, në pronësi të shtetasit Dh.K, vjeç 57, banues në Shijak, në një dasmë janë helmuar shtetasit E.J, E.J, Dh.J, T.J, Q.K e B.C, vjeç 55, 32, 42, 49, 57, 43, banues në Durrës, të cilët ndodhen në spital jashtë rreziku për jetën. Materialet i kaluan Prokurorisë Rrethit Gjyqësor Durrës, për vlerësim
