Pak ditë më parë aktorja e njohur Anne Hathaway tregoi në rrjete sociale barkun e rrumbullakosur duke pohuar për fansat dhe ndjekësit e saj se është në pritje të fëmijës së saj të dytë.
Kohët e fundit aktorja ishte pjesë e panelit të serialit më të ri të ‘Amazone’, “Modern Love” dhe i është përgjigjur disa përgjigjeve të gazetarëve në lidhje me shtatzëninë e saj.
E pyetur sesi po ndihej me shtatzëninë e dytë, Hathaway është shprehur:
“Si mendon ti? Nuk mbaj mend çfarë them nga minuti në minutë”, –i është përgjigjur ajo, duke theksuar se ndonjëherë mund të përsërisë gjërat që thotë.
Aktorja e njohur është duke kaluar një fazë të quajtur “Mommy Brain” (truri i mamasë), e cila gjatë shtatzënisë nuk e lejon të fokusohet në disa aspekte të ndryshme, si me drejtimet në rrugë apo gërmëzimet e fjalëve.
Aktorja dhe bashkëshorti i saj Adam Shulman janë prindër të një djali 3-vjeçar të quajtur Jonathan./Opinion.al/
