Aktorja e njohur turke, Birce Akalay, nëpërmjet një videoje në rrjetet sociale ka dhënë lajmin e hidhur të humbjes së një koteleje, për të cilën kishte marrë përsipër të kujdesej.
Vetëm dy ditë më parë aktorja e dashur kishte postuar në Instagram se sa të bukura dhe të dashura ishin ato kotele.
33-vjeçarja që njihet si mbrojtëse e të drejtave të kafshëve tha se një makinë e kishte shtypur kotelen e saj në rrugët dytësore.
Duke mos i fshehur lotët për humbjen e koteles, aktorja u bëri thirrje të gjithë shoferëve të mos i ngasin makinat si përbindësha në rrugët dytësore dhe të mos harrojnë se aty ka edhe shpirtra të vegjël.
Birce Akalay luan rolin e doktoreshës Asli në serialin “Dashuri Bardh e Zi” që do të nisë transmetimin së shpejti në Tv Klan. /tvklan.al
