Manuela Arcuri ka përfituar 9.150 euro vetëm për të ndezur dritat e Krishtlindjeve në qytetin e Salernos në Itali.
Administrata e qytetit ia ka dhënë këtë shumë parash aktores dhe modeles, teksa ky akt nga nxitur reagime të shumta nga opozita.
Megjithatë, pavarësisht nga debatet, mijëra njerëz, përfshirë turistët dhe qytetarët, janë mbledhur mbrëmjen e të shtunës (3 dhjetor) në sheshin Portanova në Salerno, për të marrë pjesë në ceremoninë e zakonshme.
Zgjedhja e administratës komunale që të rezervojë një figurë të njohur, nuk ka shkuar pa u vënë re opozitën në vend, njofton Telegrafi.
Drejtori rajonal i ‘Lëvizjes 5 Yjet’, Gennaro Saiello, ka reaguar ndaj asaj që e ka quajtur “një akt arrogance dhe një fyerje të mjerimit”.
“Nuk kam asgjë për të thënë në lidhje me këtë polemikë, unë bëj punën time, unë jam një profesioniste”, është përgjigjur Manuela kur është pyetur për këtë çështje. /Telegrafi/
