Aktorja tyrke e njohur me rolin e “Hyrremit” në serialin “Sulltani i Madhërishëm”, Meryem Uzerli, ka rrëfyer momentet e vështira dhe dramatike që ka përjetuar kur ish-i fejuari i kërkonte të abortonte fëmijën e saj. “Në Antalja mora një çmim, po atë natë tentova të vras veten. Shkova në dhomën e hotelit, e hodha statujën e çmimit dhe e shkatërrova. Isha çmendur dhe preva damarët, kishte gjak kudo. Doja të hidhesha nga ballkoni sepse vetëm kështu do të shpëtoja. Doja të zhdukesha, e shihja shpëtimin tek vdekja” , u shpreh ajo për mediat turke. Edhe pse mes shumë vështirësive, ajo e solli në jetë vajzën e saj, duke iu përkushtuar plotësisht.
