Aktorja e njohur turke Oyku Karayel, të cilën e njohim si “Xhemre” nga seriali turk, Kuzey Guney, duket se po kalon caste mjaft të vështira.
Mediat turke kanë treguar se bashkëshorti i saj, këngëtari Can Bonomo, ka pësuar një aksident të rëndë me motor.
Thuhet se këngëtari humbi ekuilibrin pas përplasjes me derën e një taksie, e cila ishte lënë hapur nga pakujdesia.
Si pasojë e përplasjes së fortë dhe rrëzimit në asfalt, 31-vjeçari ka thyer klavikulat dhe disa brinjë.
Mediat vendase shkruajnë se a është dërguar menjëherë në një spital privat në Sisli të Stambollit.
Ndërkohë momenti i aksidentit të Bonomos është filmuar nga kamerat e sigurisë.
Këngëtari ka publikuar një foto në profilin e tij në instagram, ku tregon për aksidentin. Ai lajmëron me keqardhje fansat që nuk do mund të jetë në disa prej koncerteve të tij të radhës.
