Aktorja e Hollywood, Charlize Theron është ndër të paktat personazhe që nxjerr në pah problemet aktuale të shoqërisë dhe nuk ka as drojën më të vogël për t’i shprehur ato publikisht.
Në një intervistë për ”Elle” aktorja ka folur rreth një fenomeni mjaft aktual në shoqërinë amerikane që po merrr përmasa serioze çdo ditë e më shumë. Sipas saj, racizmi është një prej problemeve kryesore që po zmadhohet dita-ditës dhe kjo për shkak të vetë presidentit të shtetit Donald Trump.
Aktorja 42- vjeçare, nënë e dy fëmijëve të birësuar, ka hasur përherë probleme me ta dhe dokumentat e tyre pasi çdo gjë është bërë më e vështirë për shkak të ngjyrës së tyre të lëkurës. Ajo u shpreh gjithashtu, se nuk do e lejojë kurrë që fëmijët e saj të diskriminohen dhe për të mbrojtur një të drejtë të tillë ajo është gati të bëjë çdo gjë.
