Ditën e djeshme u nda nga jeta në moshën 85-vjeçare stilisti ikonë, Karl Lagerfeld. E ndërsa të gjithë nderuan emrin dhe punën e tij të pavdekshme, “Daily Mail” ka rikthyer në vëmendje deklaratën e tij të bujshme për këngëtaren Adele. Ai u shpreh se Adele ishte shumë e shëndetshme, por gjithsesi kishte një fytyrë të bukur dhe një zë hyjnor.
Duke postuar këtë artikull aktorja dhe moderatorja e famshme britanike, Jameela Jamil, vendosi të flasë hapur dhe të hedhë akuza të rënda në drejtim të Karl Lagerfeld, duke insistuar se nuk duhet të lartësohet figura e tij.
Aktorja 32-vjeçare tha se Karl i kishte fobi femrat e shëndetshme dhe ishte parimisht kundër fuqëzimit të gruas.
“Më vjen mirë që dikush e tha. Edhe pse është pak shpejt. Një person kundër femrave, i pamëshirshëm, fobik nga femrat e mbushura, nuk duhet të postohet në të gjithë internetin si një shenjtor që u largua shumë shpejt. Sigurisht i talentuar, por jo një njeri i mirë”, shkroi Jameela.
Jameela shtoi më pas se ai nuk kishte ndryshuar kurrë dhe nuk kishte kërkuar asnjëherë falje për veprimet e tij.
/E.M
