Aktori turk Tolgahan Saiysman dhe bashkëshortja e tij, ish-misi shqiptar Almeda Abazi kanë qenë këto ditë në Kosovë dhe në Tiranë. Aktori i njohur turk ka takuar në Kosovë ministrin e kulturës, Rinisë dhe Sporteve, Kujtim Gashin, ku kanë biseduar rreth projekteve filmike që mund të realizohen në të ardhmen mes Kosovës dhe Turqisë.
Gjithashtu aktori u nderua me titullin “ Amabasador i kulturës” ndërmjet dy kombeve. Në mirënjohje për këtë titull Saiysman shprehu vlerësimin e tij për Shqipërinë,duke zbuluar një detaj mjaft interesant.
“Komb historinë e të cilit e kam dëgjuar që në femijeri nga gjyshja ime e ndjerë, më pas për fat të mirë mu desh të njihem dhe të ndaj jetën me një vajzë të këtij kombi, njerëz mikëprites, me gjak të ngrohtë dhe të besës.
Faleminderit shqiptarë që u bëtë pjesë e pandarë e jetës time, faleminderit që më mirëprisni. Do jem gjithmonë i gatshëm të jap kontributin tim në krah jush për të mirën e të gjithëve,”-ka shkruar aktori i njohur turk./Opinion.al/
