Në çdo fillim sezoni është bërë traditë tashmë për mediat dhe portalet, të lakojnë dhjetëra emra që largohen nga njëri ekran drejt një tjetri apo edhe emra të cilët lënë një program e nisin një rrugëtim të ri në profesionin e tyre. Edhe sezoni i ri i Portokallisë është përfshirë në lajmet e ditëve të fundit. Mes të tjerëve, emri i Erion Isait, aktori i njohur i spektaklit të humorit, është përfolur disa herë, madje ka pasur aludime se mes tij dhe regjisorit Altin Basha ka pasur konfikte.
Nuk dihet nëse ka qenë apo jo kjo arsyeja, por aktori i spikatur për një sërë rolesh në Portokalli ka vendosur ta përmbyllë rrugëtimin e tij në këtë spektakël dhe në Top Channel.
Lajmin e ka konfirmuar vetë Isai në profilin e tij zyrtar të Facebook duke falënderuar të gjithë bashkëpunëtorët që ka pasur gjatë këtyre viteve.
