Aktori i njohur, Idris Elba rezultoi pozitiv me koronavirus.
Lajmin e bëri të ditur vetë 47- vjeçari në Twitter, ku u shpreh se nuk ka asnjë problem dhe asnjë simptomë problematike.
Aktori britanik postoi një video bashkë me bashkëshorten Sabrina Dhowre , ku lajmëruan se janë vetizoluar në shtëpinë e tyre, që prej ditës së premte, pasi kishin takuar një person pozitiv me koronavirus.
Në Britaninë e Madhe, qeveria ka shtuar masat, ndërsa kryeministri i kërkoi popullit të shmangin takimet dhe të qëndrojnë në shtëpi, nga frika e përhapjes së koronavirusit.
Kujtojmë se Tom Hanks dhe Rita Wilson ishin të parët njerëz të famshëm që u prekën nga koronavirusi. Pas tyre u diagnostikuan dhe të tjerë si aktorja e “Quantom of Solace” Olga Kurylenko dhe aktori që luajti Tormund në “Game of Thrones,” Kristofer Hivju./Opinion.al
