Aktori i famshëm e gjen shtëpinë shkrumb e hi: “Kjo është zemërthyese” (VIDEO)
Ai është një nga personat e prekur nga zjarri që përfshiu Kaliforninë. Aktori i njohur hollivudian, Gerard Butler, tregoi se shtëpia e tij është bërë shkrumb e hi.
Butler postoi një foto të dielën duke treguar shtëpinë e tij të djegur në Malibu. Ai tha se kjo është situata që gjeti pasi u evakuua nga zona, si shumë yje të tjera dhe e cilësoi si një “periudhë zemërthyese” për vendin.
“Kam ardhur në shtëpinë time në Malibu pas evakuimit. Jam i frymëzuar nga guximi, shpirti dhe sakrifica e zjarrfikësve tanë. Faleminderit!”, shkroi Butler në përshkrimin e fotos.
Gerard Butler gjithashtu filmoi veten duke ecur përreth rrënojave, ndërsa tregoi se gjysma e shtëpisë së tij është zhdukur.
