Ylli i serialit të viteve 90-të “Beverly Hills, 90210”, Luke Perry, ka pësuar një hemoragji cerebrale dhe është dërguar menjëherë në spital.
Lajmin e ka bërë të ditur TMZ, e cila ka shkruar se mjekët kanë mbërritur menjëherë në shtëpinë e aktorit pas një telefonate. Gjendja e tij ende nuk dihet, por mediat e huaja shkruajnë se aktori i njohur është në kujdesin intensiv të mjekëve.
Lajmi për gjendjen e tij shëndetësore ka ardhur në të njëjtën ditë kur ‘Fox’ lajmëroi rikthimin e serialit që i dha famë për një sezon të ri që pritet të transmetohet këtë verë.
Shumë nga kolegët e tij aktorë po aq të njohur si Jason Priestley, Jennie Garth, Tori Spelling, Ian Ziering, Brian Austin Green dhe Gabrielle Carteris kanë konfirmuar pjesëmarrjen e tyre në rikthimin e serialit, por mësohet se Luke Perry nuk ka firmosur për këtë projekt.
Në vitit 90-të ai u bë mjaft i njohur në serialin “Beverly Hills, 90210” me rolin e Dylan McKay./Xh.K/Opinion.al/
