Aktori hollivudian Ashton Kutcher është ndjerë i frikësuar dhe në pozitë të vështirë për një ngjarje të ndodhur në vitin 2001.
Asokohe Kutcher ka qenë duke dalë me 22-vjeçaren Ashley Ellerin, e cila u gjet e vrarë në shtëpinë e saj me 47 goditje thike.
Aktori është shprehur përpara gjykatës se natën që ka ndodhur krimi ai ka shkuar në shtëpinë e saj. Kutcher është shprehur se ata e kishin lënë për t’u takuar së bashku, por duke qenë se vajza nuk u shfaq asnjëherë në takim, ai shkoi në shtëpinë e saj për t’u siguruar që ishte mirë.
Ashton Kutcher vijoi tregimin e tij rreth asaj nate duke thënë se kishte trokitur në derë por askush nuk e kishte hapur dhe për këtë arsye ai u largua.
Megjithatë ai është i shqetësuar pasi mendon se shenjat e gishtave që ai ka lënë do të merren për bazë në këtë hetim, ndonëse ai nuk dinte asgjë rreth këtij krimi. Për vrasjen e Ashley Ellerin është i akuzuar Michael Gargiulo, i quajtur ndryshe Ripper Hollyëood./Opinion.al/
