Aktoret e njohura hollivudiane Felicity Huffman e njohur për rolin tek “Shtëpiake të dëshpëruara” dhe Lori Laughlin janë të përfshira në skemën mashtruese për pranimin e studentëve në disa prej universiteteve më të njohura në SHBA.
Kjo skemë mashtrimi ka përfshirë 50 persona ndër to prindër të famshëm të Hollivudit, trajnerë dhe administratori i një universiteti etj. Sipas prokurorëve ky është mashtrimi më i madh i këtij lloji i ndjekur ndonjëherë penalisht nga Departamenti i Drejtësisë.
Aktoret e njohura së bashku me prindërit e tjerë kanë paguar me qindra mijëra dollarë që fëmijët e tyre të pranoheshin në kolegje prestigjioze amerikane – si universitetet Yale, Stanford, Georgetoën pa pasur aftësitë e kërkuara. Nuk dihet nëse aktoret kanë rënë në pranga pas zbulimit të këtij skandali.
Mësohet se studentët janë pranuar në këto shkolla elitë pasi prindërit e tyre kishin një person me emrin Ëilliam Rick Singer për të organizuar provime të rreme, kredenciale të rreme dhe arritje të rreme në sporte.
Në një nga akuzat është përfshirë edhe drejtuesi I skuadrës së vajzave në Universitetin e Yale, që sipas hetimeve ka pranuar 400,000 dollarë, për të siguruar pranimin e një studenteje dhe më vonë ka marrë edhe para shtesë nga prindërit e kësaj studenteje./Opinion.al/
