Sot rinis politika aktive pas muajve të pushimeve. Në orën 17:00 mblidhet parlamenti në Sesionin e III-të të Legjislaturës së IX-të.
Por lëvizjet në selitë e partive kryesore pritet të nisin që orët e para të ditës. Partia Socialiste ka nisur mbledhjen e kryesinë në orën 09:00, në pallatin e kongreseve, ku krahas vendosjes së prioriteteve për këtë sesion parlamentar, do të diskutohet edhe rendi i ditës për Asamblenë që do të mbahet të premten e 6 shtatorit. Nga ana tjetër në PD Basha do të takojë aleatët e tij dhe më pas do të mbledhë grupin parlamentar të PD-së rreth orës 10:00. Një mbledhje të grupit parlamentar pritet të mbajë edhe LSI, mbledhje kjo e parashikuar për në orën 10:00.
