Pak orë para inaugurimit të Presidentit të zgjedhur Joe Biden, presidenti Donald Trump ka vendosur të bëjë një akt “mëshire” të fundit.
Trump ka vendosur që të fal ish-shefin e tij të madh strateg Steve Bannon. Ky i fundit ka qenë një këshilltar kryesor i Presidentit Trump në 2016, ai u akuzua në gusht të vitit të kaluar për mashtrim mbi një fushatë mbledhje fondesh për të ndërtuar një mur në kufirin SHBA-Meksikë.
Presidenti Trump u tha njerëzve se pas shumë diskutimesh, ai kishte vendosur të falte Bannon si një nga aktet e tij të fundit në detyrë.
“Presidenti Trump i dha falje të plotë Stephen Bannon. Prokurorët het5an Bannon me akuza në lidhje me mashtrim që buronin nga përfshirja e tij në një projekt politik. Bannon ka qenë një udhëheqës i rëndësishëm në lëvizjen konservatore dhe është i njohur për mprehtësinë e tij politike.” -thuhej në deklaratën e Shtëpisë së Bardhë, të lexuar nga Kayleigh McEnany.
Prokurorët thanë se Bannon dhe tre të tjerë mashtruan qindra mijëra donatorë në lidhje me fushatën “Ne Ndërtojmë Murin” e cila mblodhi 25 milionë dollarë.
Është pohuar se Bannon ka marrë më shumë se 1 milion dollarë, të paktën disa prej të cilave i ka përdorur për të mbuluar shpenzimet personale. Ai i mohon akuzat dhe ende nuk është në gjyq.
Trump gjithashtu dha falje për më shumë se 70 të tjerë në orët e tij të fundit në detyrë. Falje u njoftuan për reperët Lil Wayne dhe Kodak Black si dhe për ish-Kryetarin e Detroitit Kwame Kilpatrick.
Është e zakonshme që presidentët në largim të lëshojnë falje para se të largohen nga Shtëpia e Bardhë.
