Drejtori i Policisë së Kosovës, Samedin Mehmeti ka folur ditën e sotme për aksionin e zhvilluar në veri të Kosovës mbi mallrat kondrabandë.
Në fjalën e tij Mehmeti është shprehur që ishin planifikuar të realizoheshin sot gjatë ditës 26 kontrolle në pika të ndryshme , në dy raste të quajtur “Rio” e “Mjekrra”.
Nëdërkohë që për këto kontrolle drejtori i policisë ka thënë se dyshohet se ka pasur rrjedhje të informacionit.
“Kjo është diçka që është duke u hetuar”, theksoi ai ndër të tjera.
Ndërkaq, më tej Mehmeti tregon detaje mbi operacionin, kur ka nisur dhe si ka qenë dinamika e tij ditën e sotme.
“Operacioni ka filluar gati një vit më parë dhe veprime operacionale ka pasur gjatë gjithë kohës. Operacioni policor ka pasur në rajonin e Prishtinës, Pejës, Mitrovicë së Jugut dhe Mitrovicës së Veriut. Në të gjitha rajonet e tjera ka kaluar pa problem, përveç në pjesën veriore të Mitrovicës, grupe kriminale në mënyrë të organizuar kanë bllokuara rrugën, kanë hedhur bombola gazi, kanë përdorur mjetet transportuese, kanë shtënë me armë zjarri, kanë hedhur shok-bomba, granata të dorës, me qëlllim të pengimit dhe sulmit ndaj zyrtarëve doganor e policor që ishin në kryerje të detyrës. Policia e Kosovës është detyruar të ndërmarr veprime policore me mjete të ndryshme dhe të nevojshme ligjore me qëllim të ofrimit të sigurisë ndaj zyrtarëve policor por edhe qytetarëve që nuk kanë pasur të bëjnë me rastin.”- tha ai./Opinion.al
