Kanë dalë emrat e personave të arrestuar nga aksioni i RENEA-s në katër qytete të vendit, në Durrës, Lezhë, Mamurras e Elbasan.
Mësohet se në prangat e policisë kanë rënë shtetasit Dashamir Tafili, i akuzuar për armëmbajtje pa leje, Lorenc Habilaj, për shpërndarje te lendeve narkotike, si dhe Astrit Seferi, autori i plagosjes së katërfishtë në vitin 2017. Gjithashtu, është proceduar penalisht për lotari te palejuara shtetasi Elvis Doçi.
Astrit Seferi 36 vjeç, autor i plagosjes së 4-fishtë në vitin 2017 në Laprakë të Tiranë. Në atë kohë, së bashku me vëllain e tij plagosi me armë 4 persona gjatë një konflikti për motive të dobëta. Gjykata e Tiranës i ka caktuar masën arrest në burg në mungesë për vrasje në rrethana të tjera cilësuese e mbetur në tentativë e kryer në bashkëpunim dhe armëmbajtje pa leje.
Gjatë aksionit janë sekuestruar armë, municion luftarak, drogë.
Ky aksion i RENEA-s në disa qytete të vendit vjen një ditë pas ekzekutimit në Lushnjë të Bledar Muçës./Opinion.al
