Kryesore

Aksioni i policisë, reagon Kurti:Mos bini pre e mediave serbe,duan ta politizojnë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:15 - 13/10/21 |
Opi Nion

Kryeministri i Kosovës , Albin Kurti ka reaguar për aksionin e zhvilluar ditën e sotme për mallrat kontrabandë në Prishtinë, Pejë dhe në veri e jug të Mitrovicës, ku mbetën të lënduar gjashtë si pasojë e përplasjes së policisë dhe banorëve në veri të vendit.

Në reagimin e tij Kurti sqaron se hetimet janë kryer me urdhër të lëshuar nga prokuroritë dhe një hetimi intesiv ku ditën e sotme është vepruar.

Ndër të tjera, Kurti shprehet se aksioni ka përfunduar. Gjithashtu kryeministri i Kosovës u bënë thirrjet qytetarëve të mos bie pre e medieve në Serbi që mbrojnë krimin, korrupsionin dhe kontrabandën dhe që duan ta politizojnë situatën.

Aksioni i sotëm policor ka përfunduar. U bëj thirrje qytetarëve në komunën veriore të Mitrovicës që të mos bien pre e disa medieve në Serbi që e mbrojnë krimin, korrupsionin dhe kontrabandën dhe duan ta politizojnë dhe etnizojnë atë.”– shkruan ndër të tjera Kurti.

Reagimi i plotë:

Aksion i Policisë kundër krimit e kontrabandës në Prishtinë, Pejë dhe në veri e jug të Mitrovicës

Herët në mëngjesin e sotëm, Policia e Kosovës, me qëllim të luftimit të kontrabandës ka filluar operacione bastisjeje në disa lokacione të ndryshme në Prishtinë, Pejë e Mitrovicë (si në jug ashtu edhe në veri).

Këto veprime policore janë paraprirë nga hetimet intensive dhe janë me urdhër e të bashkërenduara me prokuroritë dhe gjykatat kompetente. Janë sekuestruar mallra e dëshmi të tjera që paraqesin edhe prova materiale.

Krimi dhe grupet kriminale nuk do të tolerohen dhe do të luftohen. Kontrabandën do ta luftojmë e do ta parandalojmë.

Aksioni i sotëm policor ka përfunduar. U bëj thirrje qytetarëve në komunën veriore të Mitrovicës që të mos bien pre e disa medieve në Serbi që e mbrojnë krimin, korrupsionin dhe kontrabandën dhe duan ta politizojnë dhe etnizojnë atë./Opinion.al

Pas