Ndërsa sezoni turistik ka nisur, kryeministri Edi Rama ka publikuar në rrjetet sociale foto nga disa zona që po pastrohen nga mbetjet.
Kreu i qeverisë shkruan se plani i pastrimit do të vijojë edhe gjatë sezonit turistik, për të sensibilizuar qytetarët, ndërsa më tej thotë se duhet t’i japim fund “kësaj marrëzie që të vret syrin dhe mbi të gjitha dëmton shëndetin”.
“Plani Kombëtar i Pastrimit po zhvillohet në të gjithë Shqipërinë dhe do të vazhdojë pa u ndalur si një operacion sistematik edhe gjatë sezonit veror, për të shpërndarë frymën e sensibilizimit tek çdo qytetar, për të mos ndotur aty ku jetojmë përditë, e për t’i dhënë fund një herë e mirë kësaj marrëzie që të vret syrin dhe mbi të gjitha dëmton shëndetin. *momente pastrimi në Pogradec, Kukës, Krujë, Elbasan, Mirditë, Kolonjë, Bulqizë, Maliq, Tepelenë, Burrel, Divjakë, Rrogozhinë, Ksamil dhe Pustec”, shkruan Rama.
