Prokuroria ka urdhëruar lirimin e 11 persona të arrestuar të shtunën në Tiranë për shitje dhe shpërndarje të lëndëve narkotike. Burime nga organi i akuzës së kryeqytetit konfirmuan se arrestimi për katër menaxherë lokalesh, është cilësuar i paligjshëm.
Kjo për shkak se nuk provohet se ata kanë lidhje me shitjen e drogës që kryhej në ambientet e këtyre lokaleve.
Ndërsa për 7 personat e tjerë punonjës dhe klientë të këtyre lokaleve është caktuar masa detyrim paraqitje.
Të dielën policia e Tiranës njoftoi se 11 persona u prangosën gjatë operacionit të zhvilluar në disa lokale te njohura ne Bllok.
Sipas bluve të Tiranës disa lokale kishin krijuar kushte për klientët për të konsumuar lëndë narkotike.
Nga hetimet e policisë është faktuar se ishin krijuar disa dhoma të veçanta me të gjitha mjetet e nevojshme për të konsumuar heroinë dhe kokainë.
Në disa raste ishin po punonjës të stafit të lokaleve që shpërndanin drogën, ndërsa në disa raste të tjera shpërndarësit hiqeshin si klient të këtyre lokaleve.
Aksionet të shtunën në mbremje u kryen në “Lollipop”, “Folie” dhe “Pepper Lounge”
Personat që u kapën dhe që sot u lanë të lirë janë:
Andri Buxhuku, 46 vjeç, banues në Tiranë, Menaxher i lokalit “Folie”
2. Geri Pogoni, 29 vjeç, banues në Tiranë, Menaxher i lokalit “Folie”
3. Elton Murati, 34 vjeç, banues në Tiranë, Klient tek “Folie”
4. Dorjan Plaku, 26 vjeç, banues në Tiranë, i dënuar më parë për “Prodhimi dhe shitja e narkotikëve”, ” Klient tek Folie”
5. Oltion Bekteshi, 36 vjeç, banues në Tiranë, Menaxher i lokalit “Pepper Lounge”,
6. Erjon Dobi, 24 vjeç, banues në Tiranë, “Klient tek Pepper Lounge”
7. Redi Roshi, 25 vjeç, banues në Tiranë, përdorues i lëndëve narkotike.
8. Ermir Papadhimitri, 30 vjeç, banues në Tiranë, përdorues i lëndëve narkotike.
9. Emiljano Llupo, 22 vjeç, banues në Tiranë, Staf kamarier i lolalit “Pepper Lounge”,
10. Filip Fermanis, 31 vjeç, banues në Tiranë, Menaxher i lokalit “Folie”
11. Arlind Kozeli, 36 vjeç, banues në Tiranë, DJ dhe bashkëpronar i lokalit “Folie”
12. Elvis Lufi, 36 vjeç, banues në Tiranë, përdorues i lëndëve narkotike.
