Ministrja e Financave dhe Ekonomisë, Anila Denaj, dhe Drejtori i Përgjithshëm i Doganave, Arlind Gjokuta, kanë dhënë sot gjatë një dalje për mediat shifrat nga aksioni kundër informalitetit ndaj produkteve të akcizës.
Denaj ka folur në lidhje me ligjin doganor, duke u shprehur se ky ligj përtej lehtësirave parashikon edhe penalitete për subjektet që nuk zbatojnë detyrimet e tyre.
Sipas ministres gjatë muajit korrik të ardhurat nga akciza ishin 4. 86 mld lekë, realizuar në masën 107% ndaj planit, me një rritje prej 17.8% në krahasim me një vit më parë.
“Jemi këtu për të dhënë informacione për planin operacional për muajin korrik. Prioritet i muajit gusht kanë qenë produktet e akcizës. Veprimtaria rregullohet nga ligji që parashikon lehtësira të konsiderueshme për operatorët duke përmendur pagimi i detyrimeve të akcizës në momentin e hedhjes në qarkullim dhe vetëdeklarim. Përtej lehtësirave ky ligj parashikon edhe panalitete. Penalitetet në varësi të llojit të subjekteve dhe përsëritjes shkojnë deri në 5-fish të detyrimeve të munguara. Administrata doganore ka analizuar me detaje të dhënat dhe ka përgatitur një listë të subjekteve që do kontrollohen. Në fazën e dytë të planit operacional, brenda vitit verifikimet do të kryhen për një periudhë 3-vjeçare. Në muajin korrik ecuria e konsumit të importit të produkteve të akcizës si dhe niveli i të ardhurave të arkëtuara nga administrata doganore ka pësuar rritje të konsiderueshme. Të ardhurat nga akciza në korrik 4. 86 mld lekë, realizuar në masën 107% ndaj planit, rritje prej 17.8% në krahasim me korrikun e vitit të kaluar. Fokus i veçantë i kontrolleve, hidrokarbureve.
Në muajt në vijim do të ketë fokus të veçantë ndaj produkteve të akcizës, duhanit dhe pijeve alkoolike”, deklaroi ministrja Denaj./ Opinion.al E.Xh.
