Policia e Kosovës sot ka kryer një operacion aksionesh në veri të Kosovës, i cili po kryhet në kuadër të hetimeve për agresionin e 24 shtatorit në Banjskë të Zveçanit, ku si pasojë humbi jetën efektivi i policisë, Afrim Bunjaku.
Mësohet se gjatë aksionit të sotëm, në një bodrum në lokacionin “Tre Rrokaqiejt”, policia ka gjetur mjete shpërthyese.
Kështu ka konfirmuar për Klankosova, zëvendësdrejtori i Policisë së Kosovës në rajonin e veriut, Veton Elshani.
Ende nuk dihet nëse ka persona të arrestuar lidhur me këtë rast.
