Katër persona janë arrestuar nga policia e Durrësit. Sipas njoftimit të autoriteteve, në pranga ka rënë një 46-vjeçar banues në Elbasan, i cili pasi në vendin e quajtur mbikalimi i Shkozetit, duke drejtuar mjetin tip “Man”, ka aksidentuar me pasojë vdekjen, një shtetas rreth 35 vjeç, ende i paidentifikuar.
Ndërkohë, të arrestuarit e tjerë janë; H. K., 40 vjeç, banues në Cudhi, Krujë, pasi u konstatua nga shërbimet e Policisë në aksin rrugor Krujë-Fushë Krujë, duke drejtuar pa leje drejtimi mjetin tip “Ford”.
A.P., 53 vjeç, banues në Durrës, pasi u konstatua nga shërbimet e Policisë në lagjen Nr. 1, Durrës, duke drejtuar në gjendje të dehur mjetin tip “Opel”.
K.M., 58 vjeç, banues në Shijak. Ky shtetas u konstatua në lagjen Nr. 17/1, Durrës duke drejtuar në gjendje të dehur mjetin tip “Opel”./Opinion.al
