Policia ka arrestuar një 40-vjeçar, pasi mbrëmjen e djeshme ka aksidentuar për vdekje këmbësorin, 49-vjeçarin E. G, banues në Vlorë.
Sipas uniformave blu mësohet se ngjarja ka ndodhur në aksin rrugor “Levan-Vlorë”.
“Drejtoria Vendore e Policisë Fier- Në vijim të informacionit të dhënë mbrëmjen e djeshme, mbi aksidentin në aksin rrugor “Levan-Vlorë”, informojmë se specialistët e Sektorit të Qarkullimit Rrugor arrestuan në flagrancë shtetasin B. S., 40 vjeç, banues në Vlorë, pasi me automjetin që drejtonte, ka përplasur me pasojë vdekjen, këmbësorin, shtetasin E. G., 49 vjeç, banues në Vlorë”, njofton policia.
Materialet procedurale i kaluan Prokurorisë së Fierit, për veprime të mëtejshme./Opinion.al
