Autori i aksidentit të mbrëmshëm në Durrës ku mbeti i vdekur një 63-vjeçar, rezulton të jetë i dënuar me “arrest shtëpie”.
Ai është një 34-vjeçar me iniciale D.M, i cili është arrestuar në flagrancë nga policia.
Sipas policisë, autori i aksidentit ishte në “arrest shtëpie” për veprën penale “armëmbajtje pa leje” si dhe ka qenë i dënuar më parë për shitje të lëndëve narkotike dhe vjedhje.
“Gjithashtu ky shtetas është autori i një aksidenti me pasojë vdekjen, të ndodhur në vitin 2008.”, thuhet më tej në njoftimin e policisë.
Nuk dihet ende se si një person që ka kryer disa vepra penale në vite vijonte të ishte i lirë. Liria e tij i ka kushtuar mbrëmjen e djeshme një 63-vjeçari që lëvizte me biçikletë në Durrës./ Opinion.al
