Policia ka arrestuar kryetarin e Partisë Socialiste të Prrenjasit, Haxhi Çollaku, pas denoncimit të ish-kryeministrit Sali Berisha në rrjetet sociale.
“Kryetari i partisë kanabiste të Prrenjasit, Haxhi Çollaku shtyp për vdekje qytetarin”,- citohet nga shënimi i Berishës në Facebook.
Sipas uniformave blu Çollaku, ka aksidentuar këmbësorin me iniciale A.V, 54-vjeç, i cili ndodhet në gjendje të rëndë shëndetësore.
“Specialistët e Qarkullimit Rrugor në Drejtorinë Vendore te Policisë Elbasan, arrestuan në flagrancë shtetasin: H.Çollaku 43 vjeç, banues në fshatin Rrajcë, Prrenjas.Arrestimi i tij u bë pasi, duke drejtuar mjetin në aksin rrugor Prrenjas – Librazhd, ka aksidentuar këmbësorin shtetasin A.V., 54 vjeç, i cili ndodhet në gjendje të rëndë shëndetësore. Materialet i kaluan Prokurorisë pranë Gjykatës së Shkallës së Parë Elbasan, për veprën penale ” Shkelje e rregullave te qarkullimit rrugor”, parashikuar nga neni 290 i Kodit Penal”,- thuhet në njoftimin e policisë.
