Një punëtor i moshës 47-vjeçare, është aksidentuar ditën e djeshme teksa punonte në Rrugën e Kombit. Ngjarja e rëndë ka ndodhur një ditë më patë në zonën e Repsit në Rrugën e Kombit.
Mësohet se pas aksidentit fatal, policia ka vënë në pranga përgjegjësin teknik të firmës. Viktima ka qenë duke montuar një shtyllë hekuri, kur ka rënë në kontakt me energjinë elektrike. Kontakti ka qenë vdekje prurës për 47-vjeçarin me inicialet B. S., nga Vora, Tiranë.
Njoftimi i Policisë:
Më datë 22.07.2017, u arrestua në flagrancë shtetasi Ç.A, vjeç 63, banues në Tiranë, përgjegjës teknik, pasi rreth orës 10.00, në Reps, në Rrugën e Kombit, Mirditë, tek një karburant, duke punuar për vendosjen e shtyllave ndriçuese të karburantit, duke mos respektuar rregullat e sigurimit teknik, shtetasi B. S, vjeç 47, banues në Vorë, Tiranë, ka rënë një kontakt me rrymën elektrike dhe ka vdekur.
