Këngëtari turk Can Bonomo, bashkëshorti i aktores së famshme Oyku Karayel, ka pësuar një aksident të rëndë me motor ditën e hënë.
Sipas medias turke, 31-vjeçari u rrëzua me motorin e tij pasi u përplas me derën e taksie të hapur në mënyrë të pakujdesshme nga klienti.
Si pasojë e përplasjes së fortë dhe rrëzimit në asfalt, Bonomo ka thyer klavikulat dhe disa brinjë.
Këngëtari u dërgua në një spital privat në Sisli të Stambollit, ku ndodhet jashtë rrezikut për jetën. Momenti i aksidentit ndërkohë është filmuar sekondë pas sekonde nga kamerat e sigurisë.
