Një automjet policie është aksidentuar këtë të hënë rreth orës 13:00, në lagjen “Sheq i Vogël”, Fier.
Uniformat blu bëjnë me dije se automjeti tip “Suzuki” me drejtuese 37-vjeçaren me inicialet R. H., është përplasur me automjetin e Policisë tip “Hyundai”.
Fatmirësisht nuk ka të lënduar nga aksidenti.
“Rreth orës 13:00, në lagjen “Sheq i Vogël”, Fier, automjeti tip “Suzuki” me drejtuese shtetasen R. H., 37 vjeçe, banuese në Fier, është përplasur me automjetin e Policisë tip “Hyundai” me drejtues punonjësin e Policisë F. G., 29 vjeç. Si pasojë e përplasjes ka vetëm dëme materiale”-shkruan policia.
Grupi hetimor po punon për përcaktimin e shkakut të aksidentit.
